Framkvæmdastjórn ESB setti saman sérfræðingahóp um rafræna reikninga með umboð til að ákveða aðgerðarramma fyrir árslok 2009. Lokaskýrsla hópsins kom út og var send völdum fyrirtækjum og stofnunum til umsagnar, meðal annars úr hópi verslunar, lausnaraðila og skattayfirvalda.

Á vefsíðu framkvæmdastjórnar ESB má finna tengla í lokaskýrsluna, viðbrögðin við henni og fundi sem voru haldnir vegna málsins. Fimm aðalskrifstofur (Directorate General) framkvæmdastjórnarinnar koma að málinu og eru þær tíundaðar á vefsíðunni, ásamt öðrum sem að málinu koma.