ESB stefnir að því að koma á rafrænum viðskiptum sem byggja á XML/CEN/BII skeytasniði og svokölluðu fjögurra horna viðskiptalíkani. Það sem til þarf eru samræmdir skeytastaðlar, skilgreiningar á reikningi sem “allir” geta stuðst við. Þjónustuaðilar verða að geta tengst hver öðrum og hægt verður að fletta upp viðskiptaaðilum um alla Evrópu.

eReikningar:  Væntingar og framtíðaráform notanda

Guðmundur Ragnar Ólafsson, innkaupafulltrúi Hafnarfjarðarbæjar:

Bæði í innkaupa- og upplýsingastefnu Hafnarfjarðarbæjar er lögð áhersla á rafrænar lausnir með hliðsjón af umhverfis- og hagkvæmissjónarmiðum. Í samræmi við þessar stefnur hefur bærinn á undanförnum árum tekið þátt í verkefnum sem tengjast rafrænum lausnum. Eitt af þessum verkefnum er innleiðing og notkun rafrænna reikninga eða svokallaðra e-reikninga.

Reynslan af rafrænum reikningum hjá Rekstrarvörum

Heiðrún Hlín Guðlaugsdóttir, gjaldkeri/innheimtufulltrúi:

Rafrænir reikningar geta einfaldað bókhald og aukið eftirlit með greiðslum og bjóða þannig upp á hagræðingu. Hagræðingin getur líka falist í styttri vinnslutími og betri upplýsingagjöf.

Kristján Gunnarsson, upplýsingatæknideild:

N1 hefur undanfarna mánuði tekið við rafrænum kostnaðarreikningum frá nokkrum af stærstu birgjum sínum.

Ávinningur Reykjavíkurborgar af rafrænum viðskiptalausnum

Birgir Björn Sigurjónsson, fjármálastjóri Reykjavíkurborgar:

Reykjavíkurborg hefur um árabil unnið að því að innleiða rafrænar viðskiptalausnir til að auka skilvirkni, bæta þjónustu, bæta innra eftirlit og ekki síst til að lækka kostnað.

Staðlasamtök Evrópu (CEN) gefa út drög að samþykkt vinnunefndar til umsagnar. Drög þessi lúta að rafrænum reikningum, leiðbeiningum, notkunarferlum, innleiðingu, reikningagáttum og starfsreglum. Drög þessi eru nú til almennrar skoðunar og umsagnar.

Umsagnarfrestur er til 23. janúar 2012. Sjá viðfest skeyti.

Mikil og góð þróun hefur átt sér stað hérlendis við innleiðingu rafrænna  viðskipta undanfarna mánuði. Flest öll hugbúnaðarfyrirtæki eru komin  með lausnir og mörg stór og lítil fyrirtæki ásamt stofnunum eru farin að  nýta sér þessa tækni og ná fram ávinningi af nýtingu hennar.

Á hádegishaustfundi ICEPRO  og Skýrslutæknifélagsins var sagt á mannamáli hverju  við höfum áorkað, hvert stefnt  er með innleiðingu rafrænna viðskipta og hvaða vandamál og verkefni  þarf að leysa til að Ísland nái aftur ásættanlegri stöðu í samanburði við  Evrópuríki.

"eProcurement in the time of economic crisis"

Ákveðið verklag hefur verið tekið upp hér og búið að fjárfesta í lausnum sem duga til að tengjast Norðurlöndum. Því er mikið í húfi að við séum samstíga því sem gerist annars staðar í Evrópu. Aukin viðskipti á alþjóðavettvangi kalla á aukna hagkvæmni, sem næst með rafrænum viðskiptum.

Hafnarfjarðarbær hlaut EDI-bikarinn!

Guðmundur Rúnar Árnason, bæjarstjóri tók við bikarnum frá Árna Páli Árnasyni, efnahags- og viðskiptaráðherra fyrir framúrskarandi árangur í rafrænum viðskiptum á liðnu ári.

Dagskrá

Aðalfundar ICEPRO 21. feb. 2011 

Aðalfundur 2011

EDI bikarinn afhentur í fimmtánda sinn

Greining ESB á stöðu rafrænna reikninga

Í mars 2009 gaf ESB út 353 blaðsíðna greiningu sína á kröfum til rafrænna reikninga fyrirtækja í tengslum við rafræn innkaup opinberra aðila. Tekið var viðtal við fulltrúa Danmerkur, Finnlands, Íslands Spánar, Svíþjóðar, Bretlands, Belgíu, Frakklands, Sviss, Ungverjalands, Noregs, Ítalíu, Lettlands og rætt er við hagsmunaaðila s.s. IBM, SAP, o.fl. Fjallað um þarfir stórra og smárra fyrirtækja (SME).

http://ec.europa.eu/idabc/servlets/Doc9a95.pdf?id=32108

Þann 18. nóvember gaf framkvæmdastjórn ESB út grænblöðung um aukna notkun  rafrænna innkaupa í Evrópu. Í bígerð er hvítbók um hvaða skref  framkvæmdastjórnin þarf að taka til að koma á innviðum samtengdra rafrænna  innkaupa og er grænblöðungnum ætlað að ver fyrsta skefið í átt að þeirri  innleiðingu. 

Tilmæli til þjónustuaðila, hugbúnaðarhúsa og viðskiptamiðja

·                     að stefnt sé að upptöku BUSDOX „ferhyrnds tengilíkans“ (four corner model). 

·                     að allir þjónustaðilar styðji aðgangsleiðirnar START og LIME frá PEPPOL.

·                     æskilegt er að komið verði á fót einfaldri vefsíðu fyrir smærri aðila.

·                     stofna þarf samræmda skráningarmiðju (Registry), fyrir vefþjónustur sem tengjast netinu. Æskilegt er að ein símaskrá/vistfangabók sé til fyrir allt landið.

Samantekt yfir rafræn innkaup í Evrópu - þriðja útgáfa. Í Evrópu eru í gangi nokkur verkefni til að nútímavæða rafræn innkaup. Því fer fjarri að allir starfsmenn og sérfræðingar þessara verkefna viti hver af öðrum, jafnvel þótt verkefni þeirra snúist um svipaðar lausnir. Ein skýringin er sú að starfsemin fer fram í ýmsum samtökum í mörgum löndum Evrópu.

Hafnarfjarðarbær tekur upp notkun eReikninga

Hafnarfjarðarbær hefur ákveðið að taka upp notkun rafrænna reikninga (eReikninga) í stað hefðbundinna pappírsreikninga.  Ástæður þess eru annars vegar sparnaður og hins vegar aukin áhersla á umhverfissjónarmið sem er í samræmi við innkaupastefnu bæjarins.video izle

Lokið er  tveggja daga ráðstefnu um rafræna reikningagerð í Madrid 27-28. apríl s.l. Gögn fyrirlesara ráðstefnunnar er að finna á veffanginu:

http://ec.europa.eu/enterprise/newsroom/cf/itemlongdetail.cfm?item_id=4005&lang=en .

Gleðilegt sumar!

Með þökkum fyrir samstarfið í vetur sem leið.

Frumvarp um breytingu á tilskipun framkvæmdaráðs ESB 2006/112/EC um samræmt skipulag virðisaukaskatts við reikningagerð.  

Markmið: að fjarlægja hindranir við sendingu og varðveislu rafrænna reikninga.

Staðlasamtök Evrópu (CEN) hafa gefið út CWA samþykktir fyrir rafræn innkaup.

Vinnunefndin WS/BII (Workshop on 'Business Interoperability Interfaces on public procurement in Europe') hefur lokið 26 umgjörðum, sem snerta rafræn innkaup, sjá lista neðst. Samþykktirnar ná yfir innihaldslýsingar skeyta, dæmi, leiðbeiningar, verkfæri, svo og samræmdar tillögur um málskipan XML skjalanna.

Góðar fréttir frá Norstellu, systurfélagi ICEPRO í Noregi.

Shortsea verkefninu er ætlað að lækka sjóflutningskostnað í Evrópu um 10-20% og
hvetja þannig til sjóflutninga fremur en landflutninga. Sjá http://www.shortseaxml.org/

Verkefnið er unnið fyrir Evrópulönd, en það er spurning hvort Shortsea geti lækkað sjóflutninga í kringum Ísland. Ef svo er mætti kannski spara stórfé í vegagerð hérlendis?

Aðalfundur ICEPRO 2010

 EDI bikarinn afhentur í fjórtánda sinn

Aðalfundur ICEPRO verður haldinn í Skála á Hótel Sögu, mánudaginn 22. febrúar 2010. Fundurinn hefst kl. 12:00.

Á þessari þriggja daga ráðstefnu var kynnt stórátak til að auðvelda rafræn innkaup um gjörvalla Evrópu.

Staðlastofnun Evrópu (CEN) hefur gefið út tækniforskrift (CWA) fyrir rafræn innkaup. Vinnuhópurinn WS/BII (Workshop on 'Business Interoperability Interfaces on public procurement in Europe') hefur lokið 26 umgjörðum, sem snerta rafræn innkaup, sjá lista neðst. Tækniforskriftin nær yfir  innihaldslýsingar skeyta, dæmi, leiðbeiningar, verkfæri, svo og samræmdar tillögur um málskipan XML skjalanna. 

Fjársýsla Evrópusambandsins hóf fyrir nokkru það verkefni að innleiða rafræn viðskipti til eigin notkunar gagnart birgjum og réðu til verksins PriceWaterhouseCoopers í Belgíu.

PwC hóf vinnuna með því að skoða hvað væri til og komst að þeirri niðurstöðu að NES umgjarðirnar hentuðu best. Í kjölfarið var hafist handa við að innleiða umgjörð 8 í NES, sem inniheldur reikning, kredinótu og kerfissvar  reiknings.

Sænska ríkisstjórnin ákvað að allar sveitarstjórnir skyldu geta unnið reikninga rafrænt í síðasta lagi 1. júlí í ár. Með því má spara ríkinu fjóra milljarða sænskra króna á næstu 5 árum.

Rafræn viðskipti

Markmið ICEPRO er að koma á samræmingu um fyrirkomulag rafrænna viðskipta. Hér verður fjallað um varðveislu upphafsgagna, EDI og XML, norrænt samstarf, samræmingu skeyta svo sem reikninga og pantana, afurð samstarfsins, ávinning af upptöku rafrænna skeyta o.m.fl.

CEN-WS/BII (Business Interoperability Interfaces on public procurement in Europe)

Stofnfundur CEN vinnunefndar er nefnist CEN-WS/BII var haldinn í Vín í Austurríki dagana 18.-19. júní. Formaður hópsins er Peter Borresen frá IT og Telestyrelsen í Danmörku, en með honum er Jostein Frömyr, Noregi, framkvæmdastjóri NES hópsins ásamt fleirum úr NES hópnum. Markmið nefndarinnar er aðlögun NES og CODICE verklagsins að OASIS UBL 2.0 staðlinum. Norðurlandaþjóðirnar fimm leggja til NES verklagið en Spánverjar CODICE verklagið. Auk þeirra taka þátt fulltrúar Frakka, Belga, Austurríkis, Ungverjalands, Ítalíu, Rúmeníu og Skotlands.

Icelandair hlaut EDI-bikarinn 2008

Aðalfundur ICEPRO fór fram í Skála á Hótel Sögu í sólskini og blíðu. Björgvin G. Sigurðsson viðskiptaráðherra ávarpaði fundinn og afhenti EDI-bikarinn. Á fundinum var haldið fróðlegt erindi um stefnumótun Íslendinga í upplýsingatækni fyrir árin 2008-2011. Síðan tóku við hefðbundin aðalfundarstörf.

Aðalfundur ICEPRO 2008

ICEPRO verðlaunin afhent í tólfta sinn

Interoperability - One electronic procurement in Europe, Copenhagen, 31 March 2008

CEN/ISSS Interoperability, ICT stds., eGovernment, eCatalogues, eTourism. Kynningar og vinnufundir.

Veljið "meira" til að birta tengla með fundargögnum.

NES hópurinn

NES (Northern European Subset) hópurinn var stofnaður í samvinnu Norðurlandanna og Bretlands. Þátttakendur hópsins eru fulltrúar ríkis og atvinnulífs 6 landa, en þau eru: Ísland, Noregur, Danmörk, Svíþjóð, Finnland og Bretland.

Samnorræni NES (North European Subset) hópurinn gaf út verklag sitt við UBL 2.0 staðalinn í desemberlok 2006. Samnorræna NES/UBL staðalinn má finna á www.nesubl.eu og íslensk handbók hér.

Hvernig er best að senda rafræn skjöl með NES/UBL sniði eftir Netinu? Hópur manna kom saman til að ræða málið fann þessa leið sem hentar bæði stórum og smáum fyrirtækjum. Hópurinn bendir á þessa leið: ICELANDIC-Extreme Message Transport_v0.6.pdf sem ætti að vera öllum fær.

Aðalfundur ICEPRO 2007

haldinn í Skála, Hótel Sögu

mánudaginn 26. febrúar

Norðurlönd hafa haft samstarf um og nýlega samþykkt  samræmda innleiðingu staðalsins UBL 2.0. vegna rafrænna innkaupa . Öllum Evrópulöndum er nú boðin þátttaka í verkefninu á vinnufundi sem haldinn verður í Brussel 15. febrúar 2007.

HANDBÓKIN komin á vefinn!

Komnar eru út samnorrænar leiðbeiningar um notkun XML staðalsins UBL 2.0 frá OASIS. Í þeim er tekið tillit til þarfa Íslendinga.

Þar með er leiðin greið fyrir samræmdar XML sendingar rafrænna reikninga, pantana og vörulista. 

What has been achieved in eGovernment in Denmark –and how?

Sjá Glærur:

Framtak ICEPRO um að koma þjóðlegum kröfum Íslendinga inn í samnorrænan staðal var kynnt rækilega á hugbúnaðarráðstefnu Ský þ. 14. nóvember síðastliðinn.  Tryggvi Þórðarson frá Hugbúnaði sté í pontu og skýrði frá því sem ICEPRO er að gera og handbókinni sem kemur út nú í lok nóvember.

Munu samræmdir rafrænir reikningar líta dagsins ljós nú í haust? Að þessu er unnið hörðum höndum á Íslandi jafnt sem á Norðurlöndum og Englandi. Samstarfið hófst í febrúar í framhaldi af ráðstefnu ICEPRO um rafræna reikninga og stendur enn. Símafundir eru haldnir vikulega og þetta verður 3. vinnu- eða stöðufundur verksins hér á landi. Jafnframt verður þetta kynningarfundur fyrir þá sem vilja kynna sér málið.

Hugur var í mönnum á aðalfundi ICEPRO enda kom þar margt fram bæði athyglisvert og nýstárlegt.

Valgerður Sverrisdóttir Iðnaðar- og Viðskiptaráðherra flutti ávarp og afhenti ICEPRO verðlaunin, hinn veglega EDI-bikar. Þetta var í tíunda sinn sem farandbikar þessi er afhentur og í þetta sinn hlaut Ríkisskattstjóri hnossið. Flutti Indriði H. Þorláksson ávarp í lokin og þakkaði fyrir hönd embættis síns.

Aðalbjörn Þórólfsson, framkvæmdastjóri flutti síðan athyglisvert erindi um Rafrænt Markaðstorg. Kom hann víða við í ræðu sinni, fjallaði um tilurð torgsins, vöxt þess og viðgang, og væntingar til þess á komandi árum.

Aðalfundur ICEPRO verður haldinn í Skála á Hótel Sögu, mánudaginn 27. febrúar 2006. Fundurinn hefst kl. 12:00.

Auk hefðbundinna aðalfundarstarfa munu þau Valgerður Sverrisdóttir, Iðnaðar- og Viðskiptaráðherra og Aðalbjörn Þórólfsson Ph.D, framkvæmdastjóri ávarpa fundinn.

Aðalfundur ICEPRO verður haldinn í Skála á Hótel Sögu, mánudaginn 27. febrúar 2006. Fundurinn hefst kl. 12:00.

Auk hefðbundinna aðalfundarstarfa munu þau Valgerður Sverrisdóttir, Iðnaðar- og Viðskiptaráðherra og Guðbrandur Örn Arnarson, þróunarstjóri viðskiptaþróunar 365 ljósvakamiðla ávarpa fundinn.

IcePro verðlaunin 2006 – Tilnefningar óskast.

Árlega veitir IcePro EDI-bikarinn í verðlaun fyrir framúrskarandi árangur

á sviði rafrænna samskipta. Bikarinn er veittur því fyrirtæki, stofnun,

verkefni eða lausn sem skarað hefur fram úr að mati dómnefndar. Valgerður

Sverrisdóttir iðnaðar- og viðskiptaráðherra mun afhenda verðlaunin á

aðalfundi IcePro í febrúar.

Fyrirlesarar á "XML degi rafrænna reikninga hafa góðfúslega veitt leyfi til að birta glærur þeirra á vef Icepro. Hér birtast þær í sömu röð og þær birtust á dagskránni.

mánudaginn 23. janúar 2006 kl. 13-17,

Gullteigi A, Grand Hótel, Reykjavík.

Dagana 8. og 9. september voru árlegir fundir Nordipro og Europro haldnir hér á landi, í húsakynnum Icepro. Fundargerð fundarins liggur fyrir NordipromødeiReykjavik.doc svo og mynd af fundarmönnum: Europro8sept2005.jpg 

Bjarne Emig frá Danmörku fjallaði um XML notkun í rafrænum viðskiptum t.d. við reikningagerð í Danmörku.

Ragnar Þorgeirsson óskaði nýverið eftir að losna úr starfi hjá IcePro.  Stjórn hefur sýnt óskum hans um skjót starfslok skilning, og gott samkomulag hefur náðst um þau. 

Þá hefur tímabundið samkomulag hefur verið gert við Örn Kaldalóns, varamann í stjórn, um að hann taki við daglegum rekstri frá 15. september.

IcePro stendur fyrir fundi fimmtudaginn 8. september n.k. þar sem gefst tækifæri til að kynnast verkefni sem unnið er að í flutningageiranum í Danmörku.

Framsögumaður er Bjarne Emig frá DanPro og titill framsöguerindis er :

"ebXML in the Transportsector in Denmark"  

Norræna nýsköpunarmiðstöðin, eða Nordisk InnovationsCenter (NIC), hefur samþykkt styrkumsókn vegna verkefnisins eFORUM.  Þátttakendur koma af öllum Norðurlöndunum en auk IcePro kemur EJS að því, fyrir Íslands hönd.  Markmið verkefnisins er að stofna til vettvangs meðal lykilaðila á sviði rafrænna viðskipta á Norðurlöndum, þ.m.t. fulltrúum atvinnulífs, stjórnvalda og háskólaumhverfis.  

Dagana 8. og 9. september n.k. verða haldnir, í Reykjavík, árlegir fundir  NordiPro, sem er samstarfsvettvangur Pro-nefndanna á Norðurlöndunum, og evrópska vettvangsins EuroPro.  Það er áhugavert, og mikill heiður fyrir IcePro, að halda fundina og taka á móti fjölda erlendra sérfræðinga á sviði rafrænna samskipta.

Samkvæmt óformlegri könnun IcePro  kemur í ljós að aðeins 31% þeirra sem heimsækja þessa síðu þekkja gagnaöryggisstefnu síns vinnustaðar.  Hlýtur þessi niðurstaða að koma nokkuð á óvart ef horft er til þeirrar miklu umræðu sem á sér stað um mikilvægi gagnaöryggis m.a. í tengslum við rafræn samskipti þ.m.t. auðkenni, rafrænar undirskriftir o.s.frv. 

12% bættu gráu ofaná svart og sögðu enga gagnaöryggisstefnu vera til staðar!

Á Aðalfundi IcePro, 22. feb. s.l. fluttu Valgerður Sverrisdóttir Iðnaðar og viðskiptaráðherra og Ingvar Kristinsson, formaður Samtaka upplýsingatæknifyrirtækja, erindi.  Bæði voru erindin mjög áhugaverð og má segja að þau hafi verið nokkuð samhljóma hvað varðar væntingar um eflingu iðnaðarins og mikilvægi rafrænna samskipta.

Valgerður Sverrisdóttir, iðnaðar- og viðskiptaráðherra, afhenti IcePro-verðlaunin, EDI-bikarinn vinsæla, á aðalfundi IcePro sem  haldinn var í dag.  Að þessu sinni var það Landlæknisembættið - Sóttvarnalæknir sem hlaut verðlaunin fyrir metnaðarfullt verkefni um innleiðingu rafrænna skráninga bólusetninga frá heilsugæslustöðvum.

Þórólfur Guðnason, yfirlæknir Sóttvarnasviðs Landlæknisembættisins, tekur við IcePro verðlaununum af Valgerði Sverrisdóttur, Iðnaðar- og Viðskiptaráðherra

Nú er lokið morgunverðarfundi um einkaleyfi á hugbúnaði.  Fundurinn heppnaðist í alla staði vel og var húsfylli.  Kveikjan að fundinum var tilskipun um einkaleyfi á hugbúnaði, sem er í smíðum hjá ESB.  Ljóst þykir að tilskipunin, nái hún fram að ganga, mun hafa mikil áhrif á þróunar- og viðskiptaumhverfi hugbúnaðarfyrirtækja.

IcePro, í samstarfi við Einkaleyfastofu, Samtök um vernd eignarréttinda á sviði iðnaðar og Samtök iðnaðarins, boðar til kynningar- og umræðufundar um drög að tilskipun Evrópusambandsins um einkaleyfi á hugbúnaði.  Fundurinn fer fram á Grand hótel Reykjavík 17. febrúar n.k. og hefst kl. 8.15.

Tilskipunin hefur hlotið mikla athygli og skapað mikla umræðu erlendis, enda mat margra að hún  gjörbreyti öllu þróunar- og viðskiptaumhverfi fyrirtækja í upplýsingatækni iðnaði.

Hvernig meta hagsmunaaðilar tilskipunina og áhrif hennar hér á landi? Fundurinn er öllum opinn en æskilegt er að skrá þátttöku fyrirfram.

Hér á landi hafa flutningageirinn og tollayfirvöld verið einna fremst í flokki, hvað varðar þróun rafrænna viðskipta.  Hjá IcePro er unnið að undirbúningi verkefnis á þessu sviði þar sem Eimskip, Samskip, Icelandair cargo og Tollurinn taka þátt. Fulltrúum verkefnisins bauðst nýverið að taka þátt í fundi með norrænum systursamtökum IcePro og samtökum flutningafyrirtækja .  Á fundinum, sem bar yfirskriftina “Pannordic transport XML”, kom fram mikill áhugi á að efla norrænt samstarf á flutningasviði. Meðfylgjandi eru minnispunktar frá fundinum:

Aðalfundur IcePro verður haldinn í Skála á Radisson SAS hótel Sögu, þriðjudaginn 22. febrúar n.k. kl. 12.00

Auk hefðbundinna aðalfundarstarfa munu þau Valgerður Sverrisdóttir, Iðnaðar- og viðskiptaráðherra, og Ingvar Kristinsson, formaður SUT, ávarpa fundinn.

Mikilvægi samstarfs á sviði rafrænna viðskipta hefur aldrei verið meira en nú.   Til marks um það hefur enn bæst við félagaskrá IcePro.  Fögnum við 5 nýjum og öflugum félögum og þeim slagkrafti sem þeir gefa starfinu, byggt á reynslu sinni, þekkingu og framsækni.

Alþjóðlega staðlastofnunin ISO hefur vottað 4 ebXML OASIS staðla sem gera fyrirtækjum, óháð stærð, starfsgrein eða landfræðilegri staðsetningu, kleift að stunda rafræn viðskipti yfir Internetið.

Á morgun mun ríkisstjórn Íslands kynna, með formlegum hætti, nýja stefnu sína um upplýsingasamfélagið.  Aðilum er málinu tengjast hefur verið boðið til sérstaks kynningarfundar.  Við undirbúning stefnumótunarinnar átti IcePro fulltrúa í samráðshópi. IcePro væntir mikils af því starfi sem lagt er upp með og vill leggja sitt af mörkum til að hraða þessari þróun og gera hana markvissari. 

Á aðalfundi IcePro 27. febrúar s.l. voru helstu niðurstöður nefndarinnar, sem tengjast viðfangsefnum IcePro, kynntar.  Má því segja að um "forsýningu" hafi verið að ræða - aðeins fyrir aðila að IcePro! 

Varðandi rafræna stjórnsýslu, sem nú er mikið í umræðunni, telur IcePro að hún snúist ekki aðeins um fjárhagslega hagræðingu og endurskipulagningu ferla innan stjórnsýslunnar sjálfrar – og sé ekki “einkamál” hins opinbera að fást við.

Hluti af rekstrarumhverfi fyrirtækja, í hinum ýmsu greinum, eru tíð og mikilvæg samskipti við hinar ýmsu stjórnsýslueiningar.